今屆《2009香港小姐競選》十位候選佳麗日前首度曝光前，「是非空姐」A曾曦寧（Hilaire）是非已不絕於耳。繼被指任職空姐期間工作態度惡劣及要求副機師男友買名牌後，昨日又有三位讀者先後爆料，狂數她的為人。

放大圖片	本身是空姐的曾曦寧經常出外旅遊，更拍下水着照。	放大圖片

當中讀者陳先生自言與Hilaire曾是朋友，還向本報提供十多張有關她的照片，包括童年照、制服照、與周星馳、容祖兒的合照及與消防員開遊艇派對的照片。對於早前有爆料人指Hilaire愛名牌一事，他表示很認同：「試過有乘客約佢去街，佢竟然叫埋妹妹出嚟，仲叫人哋請佢哋去五星級酒店食貴價日本菜，一餐飯成五千幾蚊埋單！又試過有乘客約佢出街，佢睇中咗一條八、九千蚊頸鏈，暗示要人送畀佢，但對方唔騷佢，佢就話人Cheap！」陳先生還指Hilaire性格自傲，不准別人說她矮小及醜樣，更質疑Hilaire是否具備大學預科水平：「以我所知，佢只係中五畢業，而且仲留級一年。」

曾曦寧曾與不少明星合照，包括星爺及容祖兒。	放大圖片	曾曦寧拍照時甫士多多，甚有時下「港女」影子。

黑面神被封「公主」

另外兩位爆料人則指Hilaire任職空姐時問題多多，對着同事經常黑面，所以一早被冠以「公主」稱號。兩人又指她經常要求男友買名牌，還表示同事對她參加選美感到十分開心：「因為唔使對住佢。」

對於Hilaire被質疑學歷，無綫外事部副總監曾醒明表示公司曾看過候選佳麗的學歷證書，所以不會有虛報學歷存在。陳志雲昨日出席活動，對於Hilaire日前會晤傳媒時態度寸爆，他力撐對方：「邊個嚟㗎？叫咩名？佢未識點樣應對傳媒啫！遲啲有課程畀佢哋㗎喇！（港姐質素下降？）佢哋只係初見傳媒，未經包裝啫！」而吳君如昨日亦直認提名袁嘉敏，指對方是陳可辛秘書：「佢係我半個助手，佢身材好，對佢信心十足。」