梁嘉琪小時候曾立志做美容師，加上好友開設美容院，故自薦到對方的銅鑼灣店舖免費幫忙一天。嘉琪一心以為可以做美容師，卻被友人安排處理雜務，令她大失所望：「本來我以為可以掂吓美容儀器，或者幫人做吓面膜，點知朋友話呢啲嘢要經過專業訓練先可以做，唔可以話落場就落場。佢話既然我咁有熱誠喺美容界學嘢，不如由執頭執尾做起先喎！唉！真係好夢成空！」

抹抽氣扇「我有鼻敏感，好怕塵，但冇理由半途而廢，咪用紙巾遮住個鼻頂住囉！」	清洗企缸「個企缸好滑，我一邊抹一邊跣腳，感覺好危險！最難係啲窿罅位，攝咗好多污糟嘢，要花好多時間抹。」	更換水樽「咁大支喎！唔係常人拎得起，我真係好佩服公司啲阿姐，原來佢哋係真正嘅超人，要向佢哋致敬先得。」

雖然只是執頭執尾，但嘉琪絲毫不敢怠慢，無論是清洗企缸、搬毛巾、換水樽或打掃地方，她也幹勁十足，可惜成事不足、敗事有餘！尤其是搬運毛巾期間，由於她貪方便，一次過搬三十多條，最終跌到一地都係，她見狀不禁自嘲說：「今次真係偷雞唔到蝕把米啦！」

冇力換水樽

嘉琪其後換水樽，由於不夠氣力，只好站在旁邊發呆，及拿着空樽亂拋「洩憤」，認真貪玩！不過對於愛乾淨的嘉琪來說，最辛苦還是掃垃圾及清潔環節，尤其是清潔抽氣扇時，當她看見塵土飛揚，即嚇得面容扭曲，場面搞笑！