文：音樂組　攝：唐豁莊

容祖兒與Jan鬥擺甫士，相當搞笑！

廿四孝媽媽彭羚，最近為女兒停課而煩惱。資料圖片

軟硬與容祖兒昨日出席麥當勞速遞「麥麥送」揭幕活動，葛民輝除與林海峰（Jan）變身速遞員之外，更在台上大講有味笑話，大讚由他設計的制服上下亦能保護到，不會「淋病」，當介紹完冷熱食品後，他又對司儀笑說：「我見到你笑吟吟喎，係咪好鍾意又凍又熱？」

「小朋友似攞冠軍」

受豬流感影響，港府宣布小學及幼稚園等停課兩周，育有兩女的Jan笑言停課消息十足《全英一叮》：「啲小朋友就好似攞咗冠軍咁，跳來跳去！不過有個『村姑Susan』（暗指彭羚）好似落敗咁坐咗喺度，諗緊嗰14日嘅工夫，等啲小朋友唔好浪費咗啲時間！（怕影響女兒成績？）佢哋怕返學多過怕對學習有影響，等於我哋怕返工！」至於育有一子的阿葛則說：「唔擔心，佢唔係要停課嗰批！」

席間，軟硬憶起當年做節目時，曾上門探訪郭富城、張曼玉與張學友等，為他們送上禮物。問到是次酬勞？身兼設計師的阿葛表示只收一份錢，設計只屬搭單，Jan則賣口乖說：「我哋同麥當勞嘅關係，已經超越咗金錢嘅標準，依家係以物易物！」另外，對於有雜誌拍得農夫成員C君與林珊珊大女李澄（西瓜）拍拖，更指身為舅父的Jan是媒人，Jan不置可否：「個別事件唔作評論！」