13/06/2009

播放本新聞相關短片

小霸王陳沛嘉推冧電視冇人鬧

外表斯文的陳沛嘉,小時候原來是「小霸王」一名,她笑說:「我係爺爺嫲嫲第一個出世嘅孫女,大家都好錫我,就算我奀皮,佢哋都唔會點打我,記得最曳一次,大約係四歲左右,我一個人推跌張放咗電視機喺上面嘅茶几,真係幾大力,父母當時冇乜點怪我,不過『小霸王』呢個性格

,喺我出嚟做嘢嗰陣就已經改咗。」

談到父母感情,陳沛嘉直言與父親感情相當好,還憶述中三時,常常笑言父親是她上一世的另一半,陳父現年78歲,因身體不太好,陳沛嘉不時會返澳門照顧老父,年初更特別為了父親,趕緊與男友拉埋天窗,問她是否為圓父親嫁女的心願?她即說:「唔係,係圓自己嘅心願,因為我好希望喺我嘅大喜日子裏面,父親能夠喺我嘅相片入面出現,等我可以呢世都Keep住,記得父親陪我走向人生另一階段。」