13/06/2009

播放本新聞相關短片

(9)袁嘉敏跟(2)林潔瑜返屋企

有「星級提名人」吳君如背後撐腰的(9)袁嘉敏（Candy），昨日在電視城會見傳媒後，與「女版許愿」(2)林潔瑜及「逼爆徐淑敏」(3)鄭寶源等一同離開。Candy與林潔瑜全程雞啄唔斷，話題不絕，由城巴傾到上港鐵，直到北角站落車仍繼續傾。其後，兩人齊齊進入北角一幢大廈，記者上前追問是否同居密友？林潔瑜即搶答：「唔係呀！上面係我屋企，我哋上去傾偈。」記者守候至深夜仍未見兩人再出現，認真好傾！而鄭寶源則乘港鐵返回杏花邨寓所，期間曾到便利店駐足睇雜誌，自得其樂。
林潔瑜（右）與袁嘉敏返家詳談，相信是密斟選美策略。
  • 林潔瑜（右）與袁嘉敏返家詳談，相信是密斟選美策略。