郭晉安、蒙嘉慧、鄧健泓與梁靖琪（Toby）等昨日宣傳劇集《ID精英》，並分為兩組打水球，坐艇守龍門的Toby坦言事前不知要落水，所以沒有打底，更撞正月事來潮，她說：「我啱啱喺內地返嚟，打底衫都係同事臨急幫我買。（隻艇入晒水？）可能我太落力。（因為你太重？）我應該瘦咗，之前喺內地食完就屙，有次食錯嘢，凌晨坐喺馬桶幾個鐘，屙到腳軟！」
另外，對於幼稚園及小學停課兩星期，郭晉安認為對收視有幫助：「係有啲好處，但小朋友唔會唔出街，去商場或者其他地方都會傳染，應該喺屋企，冇嘢做就睇《ID精英》啦！遲啲個仔要返Playgroup，希望返到啦！」至於蒙嘉慧本打算去法國探朋友，但因不敢搭飛機而取消。
