陳奕迅（Eason）前晚舉行《新城極品陳奕迅SAME WRONG SIN音樂會》，獲太太徐濠縈、女兒康堤、好友黃偉文及蘇永康等捧場，在台上落力獻唱的他，當發現愛女被記者包圍時，即肉緊地要求記者散開，果然是廿四孝Daddy！

Eason慶功時噴到滿面香檳，十分狼狽。	放大圖片	唱到聲沙的Eason，一度坐在台邊休息及抹汗。

即興Encore唔願走

演出期間，Eason不時出現聲沙情況，他表示因早前在台灣唱得太放所致：「諗諗吓，喺台灣唔應該咁益佢哋，唱咗4個鐘，唱到把聲爛咗！」台前故作輕鬆的他，在慶功宴上卻自爆聲帶問題十分嚴重，更被醫生勒令戒煙：「前幾日睇咗醫生喇！醫生同我講，話正常嘅聲帶係白色，但我嘅就係紅色，同埋有息肉、有繭同水腫！醫生話今次一定要戒煙，我前晚開始戒，今晚都冇食。」不過，他剛自薦做黃貫中及黃家強的音樂會嘉賓，稍後又要往台灣為另一演唱會做嘉賓，根本不夠時間讓聲帶休息，以致要服食類固醇開聲：「唔係成日食，大家唔使擔心，唱Live都冇得保留（口架）喇！」

Eason（左）與剛重組的Swing合唱經典歌，十足三座斜塔！	眼見愛女被包圍，Eason即叉腰着記者散開，十分肉緊！	阿徐帶同囡囡康堤，與蘇永康（左二）及黃偉文在台下打氣。

備受聲帶問題困擾的Eason，前晚一樣絕無欺唱，先後翻唱王菲的《開到荼靡》及黃家強的《麻醉》，還賣口乖表示所屬唱片公司新藝寶是培育「勁人」的地方。其後，他更大講「動L」爛Gag，笑言雖沒有使用王菲代言的洗髮水，但依然鬼馬地做出該洗頭水的招牌「動L」動作，令觀眾笑破肚皮！本應於10時許結束的音樂會，最終因他即興賣大包Encore三首歌而押後散場。

黐假鬚不慎食毛

完騷後依然情緒高漲的Eason，在慶功宴上錯手將香檳噴在自己面上，又笑言因黐了鬚而感拘謹，十分搞笑！他說：「黐鬚啲膠水未乾，好驚甩，又食咗幾條毛落肚。（阿女有冇唔認得你？）認得，不過唔肯錫我囉！」另外，談及幼稚園及小學停課兩星期，他表示不擔心愛女的情況，因為其學校與太太都十分注重衞生。