穿上吊帶裙的陳見飛（Tricia）昨日出席apm之《未來世界汽車及古董鐵道展》活動，日前被指出騷時「浮浮吓」的Tricia已回復狀態，並強調已沒有飲酒：「我嗰日係攰，因為之前同男朋友嗌交，我唔擔心影響形象，因為我覺得自己表現都OK。」談及細佬陳冠希（Edison）早前高調「回流」，她坦言為此感到開心：「細佬同我講，公司同事、助手都讚佢個人謙虛咗，學識欣賞，佢成個人變咗，我覺得事件發生係救咗佢，因為之前佢一直踩，冇時間休息！」
Tricia表示事件已結束，希望張栢芝和鍾欣桐等女星未來發展成功！至於Edison的潮店於20日在吉隆坡開新店，她自爆舉家飛往當地撐場，問到如何慶祝父親節時，她說：「未知爹哋去唔去！」
此外，Edison的品牌Juice在吉隆坡的首間海外分店屆時將舉行一連串活動，除Edison與契細佬Kevin Poon會親自主理外，還會邀請李璨琛主持簡單而有意義的開幕儀式。