性格活潑的范萱蔚（Percy）表示揀偶條件是要有靚車及靚樓，看似要求很高，其實只是新歌MV的橋段：「首歌叫《比武招親》，係講一個好任性嘅女仔，喺眾多追求者中揀選男朋友！我啲朋友好幫手，一出聲就一呼百應咁揸埋私伙靚車嚟幫我，仲做埋演員添！」但她笑言現實生活中擇偶條件並不高：「有樓就最好啦！講笑啫！最緊要係性格啱，同埋鍾意運動！最好係鍾意打我最擅長嘅排球啦！」
讀女校的Percy笑言，接觸男士的機會不多，反而曾對TB產生仰慕之情：「嗰時有啲好型又好醒嘅TB，都會仰慕佢哋（口架）！不過嗰時仲好細個，唔知咩叫愛情，所以對佢哋嘅感覺只限於仰慕！」
