有「舞」功底子的Grace，在《舞動全城》中因表現出色而成為「舞后」，她坦言跳舞對其演藝事業有幫助：「每隻舞都係一個故事，有傷心、有開心嘅！所以跳舞都係演技嘅訓練！而且跳舞一定係Live，即時接觸觀眾，令我唔會怯場！跳舞又係全身嘅表達，會令身體語言好啲！」

柔軟度高的王君馨，擘一字馬易如反掌。	王君馨聽從老師指導，增強舞藝。	王君馨輕易做出倒立，絕非弱質女子。

無懼後浪推前浪

Grace表示自當選香港小姐後，因工作忙碌而沒有時間接受演技訓練，猶幸跳舞時能同樣訓練演技。她透露早前拍《老公萬歲》及《富貴門》時，跟不少好戲之人合作，獲益良多：「做戲真係好難！有好多嘢要學，例如幾部機一齊拍，就要學就燈光位！」對於每年均有新進港姐，Grace坦言不擔心競爭大：「初時有啲壓力！不過只要有進步就開心！我會睇吓自己邊啲地方唔好同要增值！好似我早前就自費跟外國著名戲劇導師Jeanne Hartmann上堂學做戲，希望學多啲、做好啲！對得住公司同觀眾！」