長居廣州的江希文，日前為當地的音樂頒獎禮擔任表演嘉賓，對於被指搭上有婦之夫，她笑說：「超級流！嗰個係我經理人輝哥，睇到嗰陣大家都笑咗出嚟！」她表示家姐江欣燕對緋聞並不感「核突」：「佢係叫記者唔好寫到咁核突咋！（感情生活？）都係咁啦！努力緊囉！寫好啲歌先啦！」她又坦言非常享受內地的寧靜生活：「其實我都掛住香港，但係我好鍾意一個人喺廣州，可以靜靜哋專心寫歌！啱啱先去咗廣西探訪，返嚟就寫咗首《愛的力量》！我仲想做幕後，喺內地發掘啲有潛質嘅新人！」此外，她表示上月初在廣州參演舞台劇《當梁山伯愛上潘金蓮》後，愛上做舞台劇，好友張達明更專程捧場。