台灣天王周董嚟緊會同盛名女高音宋祖英、著名鋼琴家郎朗同埋西班牙男高音杜鳴高喺北京鳥巢舉行音樂會，前日宋祖英親自去咗鳥巢睇吓個舞台起成點，主辦機構宣布周董會喺音樂會上面第一次同交響樂團Crossover，演繹佢嘅首本名曲《菊花台》，仲會喺出場嗰陣挑戰極級難度，用鳥巢籠嘅吊威吔系統，即係李寧用過嗰套，認真巴閉！

首度表演古箏

至於再次同周董同台獻技嘅宋祖英就透露「英倫組合」將會喺水舞台上面重演《辣妹子》，周董仲會第一次大騷古箏琴技，而佢自己喺造型上會破格登場，搵咗奚仲文幫忙設計三套以花同蝴蝶做概念嘅戰衣。

另外，主辦機構話開場會好似「鳳還巢」，到時會有一百二十隻「鳳凰」降臨，而最後曲目則由四人共同合作，實行「彈的不彈，唱的不唱」，據內地網站報道話四位大名人會喺壓軸節目中大反串！