炎夏逐漸逼近，圈中女星紛紛換上各式各樣靚裙「型」接陽光，其中形象設計師阿南更激讚祖兒與全智賢最能領導「裙」雌！
全智賢
南：「最近佢瘦咗好多，着衫都識揀咗啲貼身衫，顯得佢又高又瘦。我好鍾意佢呢條高腰裙，襯件See-through好Sexy，好有女人味。」
梁詠琪
南：「佢身形又高又瘦真係着咩都好易Carry到，但佢呢身打扮可能較斯文同單調啲，如果加啲飾物同換對型啲嘅鞋，會青春活潑番啲。」
詩雅
南：「雖然花花裙今年都好Hit，但佢條裙隻色可以再鮮艷啲，襯番佢嘅年紀，條裙Cutting比較鬆，再貼身啲會更好。」
湯怡
南：「佢咁Young可以着番啲青春嘅連身裙，雖然夠瘦Carry到蛋糕裙，但略嫌太成熟，應該加啲可愛飾物中和番。」
周麗淇
南：「佢一向揀嘅服飾都幾型同幾有品味，但今次條裙質料厚，所以顯得佢肥咗。如果啲料薄啲，有番腰形會好啲。」
容祖兒
南：「佢着衫愈來愈有個人風格，愈來愈得心應手，呢身打扮無論裙、襪褲同鞋都好特別，連髮型都好配合，襯得佢又高又瘦又型。」
阿南Profile
阿南（Nam Kong）於02年創辦《士多》雜誌，06年開設this is時裝店售賣自家品牌服飾，07年獲邀任Lane Crawford的創作顧問，曾擔任多位歌手的唱片及形象顧問。