劉嘉玲、李冰冰聯同導演徐克和動作導演洪金寶，昨日出席橫店舉行的英皇電影發行的新片《狄仁傑之通天帝國》記者會。久未拍片的嘉玲狀態甚勇，台上更騷長腿展示魅力。記者會上，為了保持角色的神秘感，在播放片花時亦沒有角色造型亮相。

徐克（右起）、劉嘉玲和洪金寶，昨日出席英皇電影發行的新片《狄仁傑之通天帝國》記者會。

李冰冰感激洪金寶為她設計動作場面，令她一嘗打女滋味。

嘉玲懷孕傳聞一直不絕於耳，近日有傳她推掉二千萬元衞生巾廣告，因條文列明一年內不准懷孕，嘉玲承認曾斟洽，但未傾到細節條件便否決了，皆因覺得形象未能配合。問到是否已準備懷孕，她說：「我之後仲要拍關錦鵬另一部片，拍完戲先算，起碼都要八月底，之前冇時間。（王菲催你？）之前傳媒誤會咗，王菲冇，林青霞有。」

另外，嘉玲又否認習騎時墮馬受傷：「冇！到依家練咗六、七日，但係有一定難度，我一向都驚騎馬，過往都係用替身或假騎，但今次係冇作狀，工作人員安排啲老馬畀我，佢哋脾氣冇咁大。」

李冰冰實現打女夢

記者問到嘉玲是否浪漫的人，導演徐克說：「佢同梁朝偉已經夠浪漫啦！」嘉玲一聽到老公的名字，立即展現幸福之情，並撒嬌說：「可唔可以講第二啲嘢呀！同你（徐克）一齊仲浪漫啦！」同場的李冰冰表示，一直很希望拍動作片，今次有洪金寶設計動作，必定適合自己，夢想已經實現了，將來大家看到的她會是個超級打星。而洪金寶則表示，稍後的「七小福」五十周年紀念活動，將相約師兄弟敍舊。