模特兒出身的姜紫藍（Color），早於十多歲已踏足娛樂圈，演出經驗豐富，無論幕前或幕後工作亦接觸過，她說：「今個夏天有好多Model出寫真，但我呢本同佢哋唔同，最特別之處係有文字，講娛樂圈嘅嘢，啲人買八卦雜誌都係想睇呢啲啫！」

姜紫藍風雨下浸在海中拍攝，結果病到五顏六色。	姜紫藍在水清沙幼的墾丁拍寫真，原來有苦自己知。	除了水着造型，姜紫藍還在寫真中化身小公主。

電視台歷盡辛酸

她將在書中「出賣」親身經歷及所見所聞：「好多大家喺電視見到嘅嘢，其實唔係真㗎！我試過幫電視台拍嘢時，畀導演同成班Crew（製作組）蝦，有次做一個節目，導演叫我喊，點知拍完第二日，另一個導演話我『你喊咩啫！扮嘢呀？博出位呀？』，佢又試過喺酒店搶我條匙卡，夾硬換咗佢間尾房畀我，仲半夜兩點叫我整杯麵同沖嘢飲畀成班Crew，要逐間房拍門送，當我阿四咁！」她還自爆曾參加女主播訓練班，怎料要扮某個男主播的Fans，還要做布景板充撐場面。

Color對寫真十分重視，由取景、服裝至造型等亦一腳踢，她說：「去咗四日，最辛苦係出發前成個禮拜唔夠瞓，搞到發燒，我食咗退燒藥同用退熱貼先上機。去到墾丁，因為天氣唔穩定，時晴時雨，成日都狂淋雨同吹風，又要浸喺海水影相，結果患咗尿道炎，返嚟即刻睇醫生！」

踩入影壇做「七奶」

除了模特兒工作，Color亦參演多套電影，繼在新片中飾演陳奕迅的「七奶」，最近又在一部講述聖經故事《挪亞方舟》的數碼電影中飾演大反派，更要死在半空！

Profile

姓　　名：姜紫藍

出生日期：4月3日

身　　高：162cm

三　　圍：33D、24、34

嗜　　好：

看電影、跳舞、寫作、彈琴、繪畫。

工作經驗：

08年參選亞洲小姐、演出《性本善》、《火蝴蝶》、《絕代雙嬌》、《我不賣身　我賣子宮》、《內衣少女》、《情意拳拳》等。