據Paris在社交網站Twitter所講，她不但聘請數名建築師參照其大宅外觀複製狗竇，還將屋中的傢俬一併改為「迷你版」放在狗竇內，除了價值近1千港元的LV大床、梳化、衣櫃及水晶燈外，屋內還設有冷暖調節，而屋外則有泳池及花園，讓狗仔舒展筋骨，極盡奢華！

當正親生骨肉

除了晒命外，Paris還在Twitter分享愛狗之情：「我當我啲狗仔係親生骨肉，我承認我或者太寵佢哋，但我又點可以唔寵？你睇佢哋個可愛樣！佢哋真係值得我當正佢哋係王子同公主，我真係好鍾意我嘅BB！」她還自爆為愛犬取名為瑪麗蓮夢露、Dolce、原宿八婆、王子BB熊及Tinkerbell等，十分趣怪！

不過，並非每個人都羨慕Paris的狗仔，有網友在其Twitter留言，批評她將大量金錢花在狗仔身上很可悲，有人更大鬧她是「白癡妹」，其中一篇留言說：「呢個世界有好多人飢餓同死亡，你夜晚點可以瞓得着？你應該去做慈善工作，而唔係咁樣使錢！」