10/06/2009

播放本新聞相關短片

Sun Ball：黃德如代BB送禮安撫大仔

汪圓圓、黃德如與丈夫等前晚出席時裝活動，本已育有一子的黃德如，上月四日在養和醫院誕下女兒，並火速收身，她透露已為女兒改名：「英文名叫Charisse，中文名叫梁式妤，係嚟自古時一個叫班婕妤嘅女子，佢係一個有婦德、婦容同婦才嘅人，希望將來囡囡都可以有德行同修養！」她又表示為免囝囝呷妹妹醋而絞盡腦汁：「BB未出世前，我已經預備禮物，代BB送畀佢！」

至於汪圓圓則表示最近學整蛋糕：「主要係學整蛋糕裝飾，因為之前生日，姐姐幫我訂嘅蛋糕好靚！」她還有意學畫畫及跳舞，充實自己。