本文重點
小小So喺娛樂圈打滾咁耐，都見過唔少著名經理人，不過講到最索，當然不得不數英皇唱片及藝人部管理總監霍汶希（Mani）啦！Mani旗下嘅猛將多不勝數，包括樂壇天后容祖兒同蔡卓妍等，工作多到冇時停，24小時為藝人出心出力，隨時瞓得少過啲藝人，食無定時都好正常！嗱！大家都知，食無定時同肥胖有莫大嘅關係，點解Mani仲咁鬼弗呢？原來同佢嘅飲食好有關係！
晚餐外全日任食
早前，小小So忍唔住問佢有咩獨門餐單？Mani亦好大方咁分享，原來個餐單來自佢朋友：「全日淨係夜晚跟住食就得，其他時間就食乜都得，而且個餐單仲好健康添！哈哈！」講咗咁耐，大家係咪好想知 個餐單內容呢？好啦好啦！小小So就同大家分享呢個「最靚經理人餐單」啦！Mani話：「冬菇2至3隻、蟹柳2條、娃娃菜任食、芋絲4至6紮，細磚豆腐2至3磚，加埋木耳半碗就Perfect喇！」