陳奕迅（Eason）昨日為音樂會綵排，並與表演嘉賓Mr.及Swing宣揚禁毒訊息，他自言從沒接觸毒品，如果有朋友吸毒，必會疏遠對方：「勸佢唔聽就唔好交往，人嘅聲譽好緊要，費事以為我同佢一樣，我未見過有人食毒品有好結果。」他又指菠蘿包好食過毒品，還推介一個可以好High的方法：「就係唔瞓覺，一定好亢奮。（咁你咪經常High？）我天生咁High，唔瞓覺又唔使錢，同朋友開心唱K咪得，使乜索K！」
此外，Eason坦言陳冠希（Edison）早前返港時曾飯敍，他並不覺得對方想重返香港娛圈發展，問會否支持Edison復出？他說：「作為朋友，關心佢身體健康、身心舒暢，其他嘢，咁大個仔自己揸主意。」而Edison日前離港後赴北京，並透露本月中會到馬來西亞開時裝店。