近日掀舌戰的劉欣宜（E Cup Baby）與鍾蕙芝（Lavina），前晚於新片《極速緋聞》首映禮上狹路相逢，雖然大方合照，但見Baby明顯出(月爭)搶鏡，難得Lavina仍若無其事！不過Baby否認：「冇，係角度問題啫！我同佢哋做嘢時都有傾偈！」
至於同場的李彩華（Rain），則與弟弟李建中前後腳到場，Rain希望弟弟入行不會染上惡習：「睇到依家啲學生索K，我真係嚇咗一跳！」而溫碧霞則無懼豬流感肆虐，堅持四出旅遊及公幹。對於旺角再有狂徒擲鏹水彈，她慨嘆：「變態呀！傷及無辜，好無聊囉！（敢唔敢去旺角？）要擔遮擋吓囉！（冇得着露背裝？）咁唔去旺角喇！」
