今年（口靚）模界是非特別誇張，下月書展、動漫節及遊戲展等大活動陸續舉行，又有生力軍誕生，加上《美女廚房》新女湧現，競爭只會有增無減！難怪現役(口靚)模愁爆，為免隨時被叮出局，只好先下手為強，扭盡六壬出位！
曾一手捧紅E Cup Baby、亦是今年炮製PS3《夏之盛放》的SCEH總經理項明生說：「依家多咗途徑入行，成名快又搵到錢，好似Rainbow每月有5位數收入，以一個學生妹嚟講好多！嚟緊又有批新嘅女仔面世，依家呢班壓力好大！」提到E Cup Baby與Rainbow分黨派搞是非，James說：「『PS水着妹』只得十七、八歲，細路女鍾意埋堆，講嘢又直腸直肚，講者無心，聽者有意啫！」
