向來是非多多的「PS水着女」E Cup Baby、「日版Paris Hilton」椋名凜、「E級廚房妹」Lavina及Rainbow，合作拍攝網劇《夏之盛放》及寫真集才個多月，屢傳出是非，先是 Baby指「巨胸(口靚)模」喝令工作人員態度寸，令她睇不過眼，接着她與椋名凜聯手杯葛Lavina，拒絕讓她坐水泡！近日更爆出Lavina與同一間模特兒公司的Rainbow，在拍劇時埋怨Baby臭狐難頂，雙方火藥味甚濃！前晚Baby與Lavina一同出席電影首映禮時，Baby更做出疑似「批(月爭)」動作，令二人不和之說升級！

劉欣宜強調從來冇被客戶投訴，力證清白之身。 資料圖片

椋名凜（左）力撐E Cup Baby「冇味」，果然是好姊妹！ 資料圖片

Rainbow：聞到有異味

記者昨日分別向各當事人求證，問到是否在拍劇時指 Baby爆發「臭狐風暴」？Lavina話語間充滿弦外之音：「淨係知我同Rainbow都冇，因為我哋成日一齊做嘢，而其他人就唔知喇！」跟她同屬廚房妹陣營的Rainbow亦附和說：「我係聞到有異味，不過就唔知係咪佢（Baby），因為做嘢嘅地方多人，咁天氣咁熱都難免會有味（口架）喇！」

死撐冇被客戶投訴

至於被傳有臭狐的Baby，昨日接受電話訪問時激動地說：「人哋點講我唔回應喇！不過我做咗Model咁耐都未畀客戶投訴過囉！（會唔會大汗得滯，連自己都唔覺？）一定唔會啦！我衞生好好㗎！（係咪之前啲是非得罪人？）我之前係講個大範疇、個風氣，亦冇指明邊個，可能咁得罪人啩！」而跟她甚老友的椋名凜，昨日亦力撐Baby非「小狐仙」：「我唔覺佢有味喎！平日我同佢都好Friend。（你哋係咪杯葛Lavina？）唔係，不過對佢冇感覺，可能唔熟啦！」