名模Ana R.、姚書軼、Jocelyn及榮雪梅等前晚齊齊出席BVLGARI活動，Ana R.透露雙親早前在美國發生車禍，故她馬上返美逗留三星期：「媽咪個頭依家仲有事，Daddy就腰骨好痛！我有日搵唔到媽咪，再搵細佬先知出咗事，當時我做緊嘢，真係擔心到日日喊！」她表示因兩名疑似濫藥的女子高速撞向父母的車輛引致車禍：「好彩佢哋有戴安全帶！當時隻狗都喺架車度，都打晒觔斗！依家要戴頸箍！媽咪依家有兩盤生意，如果細佬Handle唔到，我都會返去幫手睇！」
此外，同場的姚書軼表示獨居後，與男友關係更勝從前，但她坦言兩人確因發生問題而分開住：「如果有日分開，對任何一方都係遺憾！」至於榮雪梅則解釋曾於端午節與她到福臨門吃飯的男士是契哥：「當日我約咗拉姑，咁多記者在場，如果我真係（拍拖）都行遠啲啦！點會同哥哥拍拖！」
