前晚Nelson假中環Sugar舉行生日派對，莊思敏、李彩華及肥媽等均有到賀。Nelson表示生日願望除了身體健康外，更希望其將開幕的形象設計學校取得成功。他又透露已叫朋友不用送生日禮物，折現捐贈慈善機構便可。

肥媽得知Rain送性玩具當賀禮時，相當驚訝。

挽着價值逾十萬港元手袋的莊思敏，不怕男友吳浩康到澳門揼骨。

自言已買T-shirt及飾物作生日禮物的Rain大爆，行經內衣店時買了一個性玩具給Neslon作「加料」賀禮。問到該性玩具是否呈器官狀，她說：「唔係！係一個男女都啱用、類似震蛋嘅Sex Toy，個Sales話口碑好，我先信佢！（你試過咩？）我冇試過！不過用過兼整污糟咗都冇理由送畀佢啦！（點解唔買飛機杯？）咩嚟㗎？如果個震蛋唔啱，下次佢農曆生日就買個『乜乜』杯畀佢啦！」剛從加拿大演出音樂劇回來的她又透露，跟寰宇還有三年合約，早前曾跟趙雪英見面：「佢心情都幾好，佢生日時，我仲請佢食翅！」

莊思敏挽名袋赴會

另外，自言每年都送現金作生日禮物的肥媽，得知Rain送性玩具當賀禮時，大感驚訝，當記者問她會否買來試用，肥媽說：「我唔使！我有真嘢、我有老公㗎！我老公有六呎二吋……高，你估假㗎！堅過石堅呀！」至於挽着價值逾十萬港元Herm手袋的莊思敏笑言，平日精打細算，甚少買名貴手袋，更表示不怕男友吳浩康會在澳門按摩：「佢公司咁多人睇住！」