前晚基仔在澳門舉行第二場《古巨基登基加盟英皇娛樂盛典》巡迴記者會，除一姐祖兒及阿嬌，帶同師弟妹包括鄭希怡、泳兒、陳偉霆、吳浩康等，共16位歌手「過大海」齊迎「新一哥」外，還有老闆楊受成、行政總裁吳雨和唱片及藝人管理部總監霍汶希（Mani）等，何鴻燊及四太梁安琪則前來支持楊受成，至於基仔的緋聞女友Lorraine堅持做「背後的女友」，雖然也有到場，但作風低調的她未有現身。

現場播出基仔坐楊受成私人飛機的片段。	鄭希怡勁歌熱舞慶祝基仔加盟。	鄭希怡（右起）、吳浩康、陳偉霆、基仔、鍾舒漫和泳兒齊齊畫基仔的肖像。

拖Mani落水避談婚期

身穿湖水藍西裝的基仔，如「壽星仔」般輪流接受歌手及高層的迎新禮，欣賞同門的歌聲、熱舞表演外，又群星大合唱基仔的金曲，場面熱鬧。當祖兒出場，基仔與祖兒擁抱後，便大玩IQ問題，其後互送寓意是「歌王、歌后」的榴槤及山竹生果作賀禮。

基仔（左起）與老闆楊受成和英皇高層吳雨敬酒。	英皇歌手齊齊「過大海」恭迎「新一哥」基仔。	基仔獲贈寫上「818」的職員證，因是他的生日日期又好意頭。

基仔感激老闆楊受成送給他多個「第一次」，首度坐私人飛機及在澳門開記者會，故他定必努力回饋公司，推出廣東、國語及首次拍自創電影。問到是否為公司賺回二千萬元加盟價？他醒目地說：「嘩！呢個係陷阱問題，簽約價錢唔會講，但係銀碼滿意。」談及吳雨許下幫他蟬聯「最受歡迎男歌星」的承諾？基仔稱只會做好本分，其他宣傳工作交由公司負責。問到會否加盟英皇後，會否押後婚期？基仔拖Mani落水說：「係Mani延後婚期，我冇定過乜婚期，依家係事業衝刺期，我年紀細，未到談婚論嫁。」他透露工作上全權由英皇負責，而Lorraine退居幕後，只幫他負責自家品牌的工作。

大師姐製造歸屬感

祖兒大讚基仔加盟英皇是「喺Right Time做Right Thing」，問到會否向自導新片的基仔自薦做女主角，祖兒和阿嬌齊說：「睇基哥點揀啦！（基仔係你哋師弟喎？）唔好咁講，我哋係好尊重長輩。（認細呀？）梗係啦！」祖兒表示不會眼紅基仔得「高酬厚待」，因她感激英皇多年來待她不薄，故不會不「抵得」基仔，會給基仔歸屬感。