向來玩得的伍詠薇（伍姑娘），早前擔任無綫節目《農夫小儀嬉》的嘉賓時，被主持阮小儀游說睇由編審假冒的中醫，經把脈後，伍姑娘被診斷出腎虛、房事及陰精過多，醫師更稱此病會導致發姣，慘遭整蠱的伍姑娘更自爆房事：「我一星期有兩次性行為，都唔係好多啫！咁陰精係咪即係『白帶』？」此話一出，即令假醫師口啞啞。
由於伍姑娘的談話內容相當露骨，結果成為首位因尺度問題而捱剪的嘉賓，她笑說：「我以為係搞笑節目！其實我都覺得奇怪！都唔知啲對白出唔出到街。我被人整蠱唔嬲，我有同老公講，佢話知道我係咁癲，所以都唔介意！佢仲話幾好玩添！」
