身為天主教徒的吳亭欣（Lulu）接受有線電視於昨晚播出的專訪時，為表清白，竟聲淚俱下地對天發誓。當講到緋聞男友馮潮澤時，Lulu更嚎哭指自己沒有帶眼識人，最錯是曾與對方單獨約會：「我以為佢係大哥哥，原來只不過係表面！佢好似唔使負責任咁！有事等班女人出嚟拗嚟拗去……我只係一隻任由擺布嘅棋子！（有冇諗過同佢發展？）冇！因為我都有感情生活。（男友係咪張宏基？）我唔想牽涉咁多人，總之有男友！」
至於馮太顧麗華的死訊，Lulu說：「我好同情佢，如果個第三者一直滋擾佢，呢啲絕對係一種精神折磨，比死更難受！」她再三否認是第三者及沒有發出「催命Call」，更不惜拿出信用卡簽帳單據，證明馮太自殺當晚，她與人飯敍，有「人證」在場。
雖然痛罵馮潮澤，但Lulu稍後又表示怕影響其公司：「我出嚟講嘢之前，都同啲金融界朋友傾過，我驚咁樣會影響到佢間公司！」她又表示事件發生後，令她明白到要帶眼識人、珍惜身邊人及勇敢面對自己。