林子祥（阿Lam）的《十分十二子祥演唱會》前晚於紅館開鑼，吸引陳奕迅（Eason）、蘇永康及許志安等捧場，而阿Lam的媽媽、兒子林德正及老婆葉蒨文（Sally）均到場打氣，全晚在控制台睇騷的Sally，興奮得手舞足蹈。
阿Lam憶起當年開騷時，已故的羅文、張國榮及梅艷芳捧場：「時間過得好快！」他又提到石堅逝世：「今日好激動！睇到我偶像石堅都去埋，佢係一個最好人、最好人嘅壞人！我好Miss佢！」隨即唱出《邁步向前》送給堅叔，當他唱出梅艷芳的《抱緊眼前人》時，更忍不住流下男兒淚。
此外，阿Lam臨時拉着便服兼踢拖的Eason上台，他笑說：「你啱啱瞓醒？」更抵死攬住Eason及勁搣其肥肉，令Eason露底兼露豬腩肉。