陳偉霆（William）昨日與Angelababy前後腳出席活動，「同場」不相見！他表示事前已跟Baby通電話：「我仲叫佢留低睇我隻新舞。」他自爆看過Baby與其「新歡」James的廣告，更大讚James靚仔，但問到他與James誰較靚仔，他說：「我都未見過佢真人。（傳佢經理人Kim棒打鴛鴦？）佢係好好嘅經理人，我同Baby仲係朋友。（冇咗『好』字？降級？）『好』字令人有不必要嘅誤會，叫朋友好啲。」
不過，Baby卻否認接過William來電：「佢冇打畀我，係咪打錯？（被棒打鴛鴦？）冇咁嘅事，如果拍拖，公司唔會阻止。（佢同James邊個發展可能性大啲？）唔知，未知。」
