返港11日的Edison昨午終於離開，對於被指為復出鋪路，他風騷表示未有諗過在港復出，但卻留下「回歸預告」！昨午約4時40分，他在工作人員陪同下步出酒店，並首次接受香港傳媒約1分鐘訪問，他滿面笑容地說：「今次想多謝大家合作同關心，今次返香港係想成件事快啲完結。今次我冇諗過或者計劃過喺香港復出，只係想管理一下公司，同計劃公司藝人將來嘅工作，希望下次多啲時間同大家見面同傾偈。」
出戰馬來西亞
不過，他拒絕透露離港後的目的地：「我會去好多地方，幫公司做嘢，嚟緊6月中會喺馬來西亞開分店。」談及陸永即將舉行的棟篤騷，他更留下「回歸預告」說：「希望到時可以同大家見面！」說罷即登上7人車直駛機場，期間，有記者表示阿嬌已原諒他，但他未有回應，在旁的工作人員反而說：「呢啲唔作回應！」抵達機場前10分鐘，助手已為Edison辦理好登機手續，下午5時許，戴上太陽眼鏡的他抵達機場，未有再回應記者提問，惟聽到記者表示Mani指他在受害女星傷口上灑鹽時，他即時黑面停一停，再快步入閘。
另外，陳見飛前晚與男友Felix現身蘭桂坊，問到弟弟Edison是否復出，她緊張地說：「唔好問我，我唔方便Comment，由佢公司講好啲。」不過，她揚言支持Edison復出，亦早知他會返港，只是不方便透露。