重獲自由的毛玉萍一直深居簡出，前晚她特地買枱，支持慧妍雅集慈善晚宴。毛玉萍前晚乘坐「1 LUV Y」車牌的座駕到場，首次回歸Ball場的她，狀態大勇。
她表示近日生活及身體好好，平日愛跑步做運動，問到兒子Eric與寇鴻萍大女唐貝詩拍拖，她說：「佢哋都係細路仔，開開心心就得啦！」其「親家」寇鴻萍亦說：「我喺場內有同毛小姐傾偈，Eric個人又叻仔，好似讀碩士啦！條件好好，個女同佢一齊當然好放心！最緊要佢有司機車我個女返屋企，好安全。」
另外，香港知名紅酒收藏家黃力（Philip）更捐出一支1949年LAFITE紅酒拍賣，為晚會籌得十萬元。
