諸事狗：張舒雅懶理儀態鯨吞開餐

張舒雅參選以來負面新聞不絕，除懶理港姐形象當街啜仔及煲煙外，她當選後還繼續沉迷拍拖，未有盡力履行港姐冠軍的職責，更多次以病為由向無綫遞交醫生紙，證明自己不宜操勞工作，先後拒絕代表香港參選《世界小姐》及《國際中華小姐》競選，因而令無綫極度不滿，無限期將她「冰封」，甚至連新一屆的港姐加冕亦被飛出局。

繼續Hea爆的張舒雅，見到記者時笑容滿面，心情大靚。

張舒雅（右起）偕母親和妹妹放狗，樂享天倫。

新一屆香港小姐將於8月舉行，正當應屆的亞、季軍的陳倩揚及馬賽頻頻出席港姐宣傳活動時，張舒雅貫徹「Hea爆」態度，日前帶同其比熊愛犬Lily，與父母及細妹到西貢行街放狗享受家庭樂。當日下午4時許，一家四口先往附近餐廳開餐，期間戴上黑超的張舒雅進食時，完全不顧儀態地叉起碟中食物，狼吞虎嚥地大啖塞入口中，相反細妹比她更有儀態。醫肚後，張舒雅拖着愛犬，隨父親步行到碼頭買海鮮，當父親向船家講價時，未知她是否怕人多，即拖着愛犬在人群中行來行去。

張舒雅陪父親向艇家買海鮮。

張舒雅表示已復工一段時間，九月將會返英國繼續讀書。 資料圖片

樂易玲：佢冇講幾時返去

買完海鮮，一家四口準備到附近停車場取車時，原本笑晒口的張舒雅，問到被形容為史上最不負責任的港姐時，她不知如何回應：「我唔評論。（被封殺冇得加冕？）唔知，未聽過，你問番公司。（最近忙乜？）我等9月份英國開學會返去讀書。（幾時復工？）我復咗工好耐，有咩嘢最好問番公司。」對此樂易玲說：「之前聽佢講過返英國讀書，但冇同我講幾時返，若果嗰陣時冇嘢啱佢做，佢可以返去讀書。（佢幫今屆港姐冠軍加冕？）呢啲等監製決定。（港姐舉行當晚請佢嚟睇？）呢啲都係節目製作嘅問題，問番監製啦！」