炎炎夏日又再殺到，李曼筠（Maggie）擁有34D的驕人上圍，為求以最Fit狀態迎戰其他口靚模，現正積極做運動兼節食瘦身。最愛享受陽光與海灘的Maggie，入行後為怕成狗仔隊目標，惟有將日光浴變成夜光浴！
性格活潑的李曼筠（Maggie），入行前最愛相約三五知己到海灘曬太陽及暢泳，盡情享受陽光與海灘！不過自符符「動漫熱潮」令人氣急升後，Maggie已甚少踏足沙灘，即使想游水減肥，也要選擇沒人騷擾的夜半時分：「我依家通常都喺半夜或者一朝早去海灘游水，所以都冇乜機會曬太陽，或者咁仲好，慳番啲美白嘛！不過因為我好鍾意玩水，所以好希望第時有能力可以喺屋企入面造個私家泳池，就算細細哋都冇所謂，最緊要得閒有水畀我潑吓！」
節食幫屋企慳錢
身形甚Fit的Maggie，笑言因為冬天吃得太多零食，早前要積極減肥瘦身迎戰夏日：「之前喺屋企休息太放鬆，唔覺意食多咗零食，之後發現大件事，惟有狂做運動同節食減肥補救喇！我初初都唔慣忍口，依家慣咗就冇事，胃口仲愈嚟愈細添！依家我就算飲雪梨茶再加幾件餅乾都醫到肚，媽咪笑我幫屋企慳咗好多錢喎！」
動漫節「胸湧」而出
李曼筠於06年的動漫節，憑透不過氣的34D突圍，更以驕人身材贏得「動漫Maggie」外號，順利「胸降」娛圈。自此，每年的動漫節都是不少花樣少女，視為踏足星途的捷徑，就以去年為例，上圍更驕人的「E Cup Baby」劉欣宜，就憑此「胸湧」彈出。
Profile
姓名：李曼筠（Maggie）
年齡：20歲
身高：5呎7吋半
三圍：34D、25.5、34
星座：巨蟹座
喜愛男生類型：有肚腩仔
喜愛顏色：粉紅色及紅色
喜愛食物：士多啤梨
喜愛卡通人物：維尼熊