本文重點
謝婷婷獲無綫青睞，被欽點夥拍「世叔伯」何守信（何B）擔任主持，打算在電視圈分一杯羹。謝賢對愛女的決定舉腳贊成，並請何B代為照顧。
近年專注模特兒工作的婷婷，除傳出簽約哥哥霆鋒成立的經理人公司外，原來亦靜悄悄計劃進軍電視圈，並於七月左右踏上征途，足迹遍及非洲埃塞俄比亞及北京周口店等地，拍攝無綫台慶紀錄片《活着》，夥拍何B探索人類起源。據悉，無綫有感婷婷甚具新鮮感，加上去年的《冰天動地》相當成功，故在逆市中豪花七位數字製作費，務求再創收視高峰。
由於何B有份參演處境劇《畢打自己人》，倘若出埠擔任主持的話，「搶人」情況在所難免，據知《畢》劇監製曾勵珍已答應「放人」，籌備工作正進行得如火如荼。無綫原本亦有意邀鄧萃雯加入主持行列，但礙於檔期問題，最終只好放棄。
對此，何B昨日接受電話訪問時說：「呢個消息都係啱啱決定，所以都未敢同朋友講。（又話唔想再做主持？）我對歷史好有興趣，又想趁有生之年學多啲嘢。（搵婷婷拍你喎？）呢排同啲世姪女好有緣，拍完欣宜又拍婷婷。（有靚女陪？）喺我呢個年紀，呢樣嘢唔係最重要喇！」
謝賢舉腳贊成
而身在內地的謝賢對愛女進軍電視圈亦舉腳贊成：「佢冇同我講過，佢能夠作多線發展梗係好啦！（有乜錦囊傳畀佢？）小心飲食同埋流感囉！（叫何B睇住佢？）呢樣一定啦！佢唔做，返嚟我打佢添呀！」而婷婷契媽汪明荃則表示，一切要視乎契女的興趣及工作性質而定。