姚樂怡遭電話性騷擾，身邊好友紛紛加以慰問，還支持她報警！
湯盈盈：「我好支持佢報警，如果我遇到呢啲情況都會咁做，搵警方求助係最妥當做法。呢件事我好早知，有一次同樂怡食飯，聽到佢喺電話度好勞氣咁講『你唔好再打嚟！』我哋就知道發生乜嘢事！」
洪天明：「當然要報警啦！正常人遇到咁嘅事都要交畀警方，雖然我唔知件事嘅來龍去脈，不過我都好擔心樂怡。」
阮兆祥：「我贊成報警，任何騷擾性事件都係交畀警方處理好啲。（贊成接受具結擔保？）咩懲罰都冇所謂，個小朋友未成年，我唔會堅持去拉佢，最重要係個小朋友會改好。」
梅小惠：「相信姚樂怡考慮得好周詳先決定報警。（你有冇受過電話騷擾？）冇喎！打錯嘅計唔計？嗰啲優惠服務電話算唔算？算嘅話一日都收到幾個㗎！」