Sun Ball：周汶錡提醒切忌急進

前晚ESCADA於中環太子大廈店舖舉行活動，邀請著名化妝師Rick Chin在場講述秋冬季的化妝與時裝潮流，並由模特兒陳碧舸及Masha示範最新秋冬服飾。

周汶錡對於有新進模特兒被誘開房傾合約，感到愕然！

冼色麗出席活動時透露，不會刻意賣弄性感，要視乎活動性質。

身穿逾十萬元品牌服飾的周汶錡，被問到知否有口靚模被誘開房傾合約一事，她表示全不知情，還愕然地追問來龍去脈。她說：「做乜要跟人上房？合約應該係公司同公司傾，而且所有嘢都係日間進行！我真係未遇過呢種事，可能我個人直腸直肚，如果發生喺我身上，我一定Reject（拒絕），零機會畀佢哋！」她對事件更是摸不着頭腦，並說：「唔好話上房，就算自己屋企都唔應該，最好有第三者在場，合約係機密，但唔係機密到只有兩個人！」

Kathy認為要入行應選擇正規與信譽好的模特兒公司，還勸喻新人不應過於急進及貪心：「可以交由模特兒公司去做，或者去律師行都得，合約唔會攞嚟攞去，有第三者在場都有保障啲！（有冇人搵你去飯局兼簽約？）從來都冇！總之食飯同簽約係兩回事！」問她有否被騙？Kathy即鬼馬地反問記者：「你覺得我個樣似咩？其實我都只係試過被壓價，總之依家好多神怪人，危險性都高咗！」

諸葛梓岐法律行動「保身份」

另外，同場的諸葛梓岐對於有雜誌指諸葛亮後人應姓葛，暗指她偽稱是諸葛後人，她感到不悅，還表示會採取法律行動：「爹哋媽咪冇理由呃我，我出世紙同身份證都係寫諸葛，依家同律師傾緊。（你爹哋應該仲嬲？）係，所以我都唔敢同佢講！」她又表示男友並非貪其諸葛後人身份才與她拍拖，並自爆剛過去的母親節與男友家人吃飯慶祝。