叮走惡死女友
不過，最近小齊、劉浩龍與內地DJ大兵合唱《妻管嚴》，究竟是小齊的心聲嗎？他說：「台灣人喜歡取笑怕老婆嘅朋友患上『氣管炎』，因為與『妻管嚴』普通話同音，玩食字！我唔鍾意畀人管，所以要我報到或者吓吓管制我嘅女朋友，統統都已經畀我『叮』走！」小齊透露前任女友就是因為管得太嚴，要他隨傳隨到，結果嚇走了他。
既然女友管得不嚴，早前娛樂圈盛傳的「集郵女星」究竟有否成功向小齊落手？小齊聞言即碌大雙眼說：「我冇喎！點解呢？唔通『佢』嫌我唔夠靚仔？」小齊曾與不少美女如舒淇、張栢芝、陳慧琳、范冰冰與葉璇等合作，而且幾乎每次均出國拍戲，孤男寡女朝夕相對，撻出愛火花可謂話咁易，小齊又如何力保「貞節牌坊」？他認真地說：「講真，娛樂圈引誘真係好多，我每次嘅拍檔都係靚女，梗係好大誘惑！但我尊重工作、對手同另一半，就算拍攝期間有身體接觸，都會事先講清楚，互相尊重，所以我同所有合作嘅女仔都可以成為知心友，我認為咁樣才可以做一世嘅真心朋友。」
融入本地文化
過去兩年，小齊主攻影壇而冷落了歌唱事業，最近才終於推出全新專輯，更大玩香港潮爆「食字」文化，碟名《齊待》便會取其普通話與「期待」同音，至於「R.S.V.P.」則代表Response Shall Verify Presence，意思指歌迷每個回響都代表小齊的努力。小齊來港發展已超過十幾年，但今年才鼓起勇氣首次灌錄廣東歌，他笑說：「監製大整蠱！《朋友你變了沒有》同《別戀我》兩首廣東歌都好難唱，尤其係情歌《別》，要用感情又要咬字，結果錄咗三日，條脷打晒結！」
難忘「第一次」
「第一次」的經驗最令人難忘，小齊分享了人生三個畢生難忘的「第一次」。
第一次見家長
當年小齊長髮披肩配尖頭高靴爛牛仔褲見「外父」，潮爆造型嚇到「外父」搖頭嘆氣，現在回想的確嚇人。
第一次唱廣東歌
小齊去年於紅館表演《朦朧夜雨裏》，當時很認真地唱出第一句，但台下全場即爆笑：「覺得好對唔住原唱者梁朝偉。」
第一次拍港產片
99年，小齊參與電影《星願》演「洋葱頭」，導演嫌他廣東話太爛要後期配音，反而觀眾很喜歡其怪怪的廣東話。