本文重點
對於緋聞男友鄭中基（Ronald）和好友古巨基就續約一事開火，蔡卓妍（阿Sa）左右做人難，為求「友共情」並存，堅持置身事外。談及有傳與Ronald打算結婚，她定下8年之約，但不諱言事業有成者是其理想老公人選。
阿Sa、洪卓立（Ken）、HotCha及狄易達，昨日出席電台活動，對於緋聞男友Ronald和好友基仔為續約問題掀起連串風波，阿Sa表示非好管閒事，表明絕不會做「架樑」：「每個藝人都會保護自己所屬公司，公司之間嘅事，我唔想理，都唔想做中間人或『炸兩』（架樑），我只會做好自己。」問到對基仔加盟英皇的睇法及是否期待與基仔合作，她巧妙地交「波」給經理人霍汶希（Mani）：「一切交由Mani講，我會尊重Mani嘅決定。」
有指與Ronald打算結婚，阿Sa強調：「我8年內一定唔會結婚，我講過好多次，唔關我嘅合約事，我都話要35歲後先結婚，我依家先26歲咋！（唔贊成Ronald做CEO？）咩都好。」其後她表示事業有成的男人很吸引：「如果第時老公係事業有成嘅男人，梗係好事啦！」記者指Ronald符合其理想老公條件，她笑了兩聲說：「唔諗住。」
洪卓立縫針痛到拆天
此外，Ken早前因患肺積水而要休息，問到為何昨日仍狀態麻麻，面色又青又白，他透露因傷口發炎，前日剛縫好針，最令他難受的是要白白多捱四針！