楊怡榮升阿姨有生仔衝動

昨日楊怡出席「充電池回收計劃」四周年典禮時透露，姊姊楊卓娜日前順利自然分娩，誕下七磅十一安士重女嬰。難怪榮升阿姨的她全程「喜」形於色，更表示會成立教育基金供BB讀書：「我會送玉同金器畀BB，等佢戴滿成隻手仔，仲會努力儲錢成立教育基金，等第時供佢讀書。（有冇生BB衝動？）有啊！抱起BB嘅感覺好似自己生咁，依家一有時間就會去睇BB。」問到姊姊何時與未婚夫楊志翹補擺喜酒？楊怡表示兩人正辦理結婚手續：「問吓BB先，睇吓佢想擺滿月酒定喜酒先。」