近日口靚模在模界殺出血路，成為逆市奇葩，加上最近不少廣告商都要求模特兒性感到盡，繼日前貝安琪與日籍索模椋名凜半裸行Catwalk後，不少傳統名模即減價「促銷」！身為台灣「拉溝公主」的白歆惠也知道飯碗得來不易，所以昨日來港出席活動時，實行以性感硬撼「黎明嫂」樂基兒！
昨日白歆惠應邀來港為Estee Lauder示範最新唇膏，同場還有香港代表樂基兒和內地代表戴小奕，未知是否因知道樂基兒在場，白歆惠穿上一襲火紅超Deep V連身裙迎戰，現場所見，雖然其上圍只得33C，不過晚裝的Deep V開到落肚臍，可謂一步一驚心，差點春光乍洩，接受訪問時更不時雙手護胸，慌死走光！反觀樂基兒只露長腿，沒有刻意性感，「峰」頭即時被搶去！
肉搏名模壓力大
問到是否覺得很不自然？白歆惠說：「係好性感，所以我好緊張，出場之前都有好多工作人員幫我前後左右睇過有冇走光，我仲黐咗好多膠紙添！」談到是否感到尷尬時，她即九唔搭八地表示，現在才知道香港的商場那麼大。不過白歆惠直言試衫時才發現自己穿得最性感，一切都會尊重大會的要求。對於被指為台灣第一性感名模，白歆惠怕醜地說：「好害羞！其實樂基兒個嘴都好性感，小奕把聲同全身都好性感，同佢哋同場好大壓力。」她更為自己大賣廣告，透露新書將於7月推出，屆時會不施脂粉，以素顏示人。
讚黎明性感乞丐
樂基兒也大讚白歆惠性感，問到是否覺得風頭被搶？她說：「我只係嚟做嘢，冇諗呢啲，佢好靚好Nice，我哋用身體語言溝通。」再問到有否看過黎明在電影《十月圍城》的乞丐造型？她表示看過之餘，還大讚他是最靚仔及性感的乞丐：「覺得佢造型幾好，幾有趣，佢好專業，扮得好似。」
此外，同場的吳雨霏（Kary）談到古巨基的合約問題、有傳出現太子黨與被Out藝人，她說：「我冇擔心，呢啲唔係事實，公司冇分黨派，大家都好齊心、團結。（傳蘇永康同小肥會被清洗？）唔會！康仔喺內地好多工作！」她表示將會找新官上任的陳輝虹傾談未來動向。
Profile
姓 名：白歆惠
出生日期：1982年10月23日
身 高：175cm
體 重：50kg
三 圍：33C、23、35
演出劇集：《命中注定我愛你》、《天使情人》、《惡作劇之吻》等