等同運軍火最高判死刑
【本報訊】內地近年興起玩野戰遊戲，各省市有不少合法的野戰場，由於內地嚴禁進出口及管有仿真槍，而野戰場亦只提供雷射槍，不少內地野戰迷為追求更大真實感，除轉戰一些非法野戰場外，亦會四出外求仿真槍。
「間中就會有啲講普通話嘅客嚟，查詢吓唔同槍嘅資料，部分人仲會問可唔可以送返內地。」專營氣槍軍用品的三軍貿易有限公司職員陳先生指，由於內地嚴禁售賣仿真槍，不少內地客對氣槍等仿真槍械深感興趣，當中又以數百至二千多元的日本或台灣槍最受歡迎。
「喺內地，出入口有射擊功能嘅物品包括仿真槍，都係犯法。」內地律師陳志榮表示，如該物品外形與真實槍械並不相似，則會被視作違禁品回收，若外形與槍械相似，如仿真槍，則有可能被視作私運軍火：「私運軍火係好嚴重嘅罪行，量刑起點係三至五年，最高刑罰仲會係死刑。」