中國人最為重視的農曆新年快將來臨,按傳統辦年貨為少不了的重要一環,以取其寓意新一年萬事豐足。然而近年百物騰貴,基層市民要張羅齊全亦非易事。有見及此,太陽報愛心基金、東方日報慈善基金今年與恒基溫暖工程基金第四度合辦「愛心送暖顯關懷」,向有需要家庭及長者送上一萬二千份豐富實用的禮物包,好讓基層家庭過一個開開心心的農曆新年。

恒基兆業地產集團副主席李家誠(前排左四)、東方報業集團副主席馬澄財(前排左五)與參加者打成一片,樂也融融。

李家誠(右)向長者送出禮物包,令長者樂個滿懷。

猶如寶物袋!
浩廉(左):今日有嘢食,又有咁多哥哥姐姐同我哋一齊玩,真係好開心。

猶如寶物袋!
黃小姐:依家咩都咁貴,份人工都只係掹掹緊,真係好多謝咁多位善長送個咁多寶物嘅禮物包!

「愛心送暖顯關懷」計劃今年共透過五十九間社會服務機構、長者中心及長者住屋,分別向受惠對象與長者派發一萬二千份禮物包,為基層家庭提早送上新年禮物。

李家誠與眾同樂獻關懷

恒基兆業地產集團副主席李家誠與東方報業集團副主席馬澄財在昨日的起動禮上,便與逾一百六十名來自基層家庭及長者中心的受惠人一同參與遊戲環節,與在場受惠人士打成一片。李家誠指每年的送暖活動皆饒富意義,「好開心今日可以通過呢個活動同咁多長者一齊預祝新年,除咗禮物包可以實質幫到長者之外,更加可以照顧到佢哋心靈上嘅需要,令佢哋知道社會上有好多人關心佢哋。」

吳先生趁着昨日難得的一天假期特別與家人一同出席活動,遊戲環節開始,十歲的然仔急不及待領着弟弟泳泳玩拋圈遊戲。在地盤工作的吳先生坦然工作時間長,較少與家人一起遊玩,「好難得可以一家四口一齊出嚟玩,呢個活動好好,兩個小朋友都好開心,有得玩又有禮物收,真係好多謝善長!」接獲愛心禮物包後,吳先生與妻子皆對禮物讚不絕口,「有福米又有麵,好實用!仲有個咕(o臣)真係設計得好好,可以隨時變做棉被!」

香港遊樂場協會葵青區青苗培訓坊社工陳嘉欣表示,送暖活動極具意義,禮物包亦極為貼心,令有需要人士感受到社會的關懷,「佢哋見到個咕(o臣)設計咁有心思、又實用又靚,佢哋都感受到善長嘅心意!」陳又指基層家庭的父母一般工作時間較長,較少與家人共處,是次活動不但為他們提早慶祝農曆新年,更讓家庭有共聚機會,共享家庭之樂,希望善長繼續捐助活動,延續送暖愛心。


第一手消息請下載on.cc東網iPhone/iPad/Android/Windows Phone Apps