恒基義工華姐 感受人間有情

【本報訊】「有錢就出錢,冇錢就出力,最重要都係想幫到多啲人!」在昨日活動中落力派發禮物包的華姐,乃恒基兆業地產集團義工隊成員之一,為了參與是次送暖活動,特地向公司請假半天當義工,「見到啲老人家收到禮物包咁開心,我自己都開心埋一份!」華姐過往亦不時參與義工活動,最深感受乃每次接觸中體會那份人與人之間的一份情,「試過三年前探訪長者影咗張合照,舊年再去探佢,佢唔單止記得我,仲保留住張合照,真係令我好感動!」

今次義工隊包括老、中、青三代,一批90後學生哥代表釋慧文中學義工100參與活動。中四生何宇霞及林海燕同具兩年義工經驗,阿霞坦言放假時會做義工多於打機上網,而義工活動令她更有啟發,「曾探訪過一啲視障人士,令我學識要樂觀面對困境,唔好放棄!」阿燕亦稱參加義工活動讓其深刻感到自己屬幸福的一群,「社會上有好多人需要幫助,抽啲時間幫到人,自己又開心,何樂而不為呢!」東方報業集團一隊四十人義工亦參與包裝禮物包及送給受惠人士,為活動出一分力。

六十六歲的譚金和為受惠者之一,本身亦經常當義工,每年都為一眾「老友記」做冬作準備,上門派發應節食品,「平時做義工做得多,今次輪到義工派番禮物畀我,真係好心有好報!」和姐對禮物包愛不釋手,更大讚場內義工隊細心體貼。

「Money18免費即秒股票報價網站」現推出8升級功能,財經資訊,實時實發!

親切的華姐最開心是幫到人,知道活動需要義工隊,即第一時間報名。