勤有功是馬氏姊妹的座右銘。馬嘉利與妹妹嘉秀上學期分別奪得全級第五及第二,回想從內地來港之初,兩人均要惡補英文才能追上中一課程,「香港啲英文課程深啲,中一嗰陣英文測驗全部答錯晒!知道自己英文差,就睇多啲課外嘅英文小說進修。」妹妹嘉秀則認為時間管理對讀書十分重要,堅持「遊戲時遊戲,讀書時讀書」,無論上課還是放假,都會每天抽兩小時溫習。
鍾立言(塘尾道官立中學)
患有先天性糖尿病的鍾立言除要戒甜食外,每日亦須注射四次針藥,「淨係針費一個月都要成千幾蚊,加埋書簿費,開支真係好大!」立言曾擔心九月升中一會增加家庭開支,幸獲贈書券,「可以將慳番嘅買書錢放喺藥費度,幾千蚊都好多o架!」立言承諾升中後會繼續發奮圖強,為將來成為社工的志願而努力。
林小微(沙田圍胡素貞博士紀念學校)
患有先天弱視的林小微雙眼散光超過六百度,平日上堂需要放大儀器幫助,但並無影響考試,考獲全班第一。面對比同輩更多的挫折,小微笑言從沒放棄,「最緊事咩事都唔好驚,勇敢面對就冇有怕!」小微更積極參與課外活動,在各大公開圍棋及象棋比賽屢獲獎項,「圍棋可以訓練專注力,讀書嗰陣就更加專心。」


馬嘉利、馬嘉秀

鍾立言

林小微