小偵探迷愛《水滸傳》

【本報訊】書本雖然逐漸被科技淘汰,但在電子書盛行之際,仍有不少人愛「聞書香」。十歲的楊其斌自小愛在文字世界游走,最愛科幻、偵探及長篇小說,更取出書包中剛借閱的偵探故事書向記者「講古」,「我鍾意作文,腦裏面有好多諗法好想寫出嚟,睇多啲書會有多啲靈感!」斌仔更常向朋友推介有趣讀物,分享閱讀樂趣。派發書本時,斌仔更第一時間揀選《水滸傳》,「我鍾意睇啲深啲嘅書,好似《水滸傳》咁,因為佢係四大名著之一!遲啲我會睇埋另外嗰三本!」

「我咩書都鍾意睇,睇過嘅書一定多過一百本!」小三學生鄭善樂興奮地表示,已在家中開闢一個小天地存放「心頭好」,但因家境清貧,常為未能填滿書架而感可惜。對於服務中心獲贈逾三百本圖書,樂仔甚為興奮,更叫嚷終可「大飽眼福」。

樂仔獲贈書本禮物後笑容滿面。