海嘯下與基層賀端午三歲女孩：愛心糭好味

李太與丈夫育有一名三歲女兒，三口之家一直省吃儉用，勉強可維持生計，未料在金融海嘯衝擊下，生活愈形窘迫，「我老公幫人整電腦，屋企開支都係靠佢，以前上門整電腦有二、三百蚊，但依家生意淡薄，百零蚊都照去整，有時一個月淨係賺到幾千蚊。」

家庭收入大減，加上女兒晴晴即將入讀幼稚園，李太坦言需再節衣縮食，故今年不擬購買糉子應節，「啲糉閒閒哋都要十幾蚊一隻，十幾蚊已經夠買一餐餸，依家環境唔好，真係慳得就慳。」

為與李太提早慶祝端午佳節，記者送上事先準備好的糉子及紙龍舟，晴晴一臉好奇，不時將紙龍舟左轉右轉「仔細研究」。淺嘗一口糉子後，晴晴更不停着媽媽「夾黃色嗰啲，好味」。李太笑說：「佢只得三歲，唔知咩係端午節，今次可以話係佢第一次食糉，真係好多謝《太陽報》。」

視障阿王生活添姿采

基層家庭以外，殘障人士亦為受惠之列。今年三十多歲的阿王雙眼患有先天性白內障，因手術失敗，左眼已失明、右眼則僅餘約一成視力。阿王表示，以前社會對視障人士缺乏支援，他讀至中四便輟學，投身社會，每當遇到障礙也只能硬着頭皮扛。

直至數年前，阿王接觸失明人士互聯會等志願團體後，生活不單多了支援，亦加添不少色彩，「我同老婆、囡囡一向冇乜節日觀念，大時大節都唔會慶祝。呢度就唔同，有慈善機構贊助派應節食品，好似端午節咁，有咗活動，令到我哋娛樂都多咗。希望多啲慈善機構搞呢啲活動，令多啲人受惠。」

太陽報愛心基金「小小糉子滿愛心」活動已正式展開，並接獲不少團體的申請。活動有賴善長捐助，如有查詢請致電3600 9988與本報記者聯絡。

捐款編號：916333