貌似初戀女友
初戀不論對男或女嚟講，都係印象最深刻嘅一段戀情，難怪拍拖經驗唔多嘅阿忠，因為囡囡同初戀情人有九成相似，所以就沉咗落呢隻船嘞！雖然阿忠嘅初戀發生喺十幾年前，之後亦拍過兩、三次拖，但佢對初戀女友仍然念念不忘。話說早排佢同班朋友去深圳嘅桑拿揼骨，竟然畀佢遇到個貌似初戀女友嘅技師，令佢嗒晒糖兼拿拿臨入閘。自此之後，阿忠就經常去翻啅，跟住仲溝埋條女雙宿雙棲。上星期佢就帶埋隻船出嚟同我哋班老友食飯，我見呢個囡囡的確係勁似阿忠個初戀女友，但講到性格卻差天共地，態度粗魯兼吱吱喳喳，我問阿忠點解會頂得順，佢話：「我接受到喎，更何況我以前冇啅過初戀女友，家陣可以任食唔嬲，正！」男人沉船嘅理由，真係可以好膚淺！