Veronica Zemanova貪靚溝Stylist
唔好以為脫星拍親戲都係赤裸裸，就唔緊張啲戲服，Veronica就係例外。佢份人一向都好貪靚，仲係購物狂，就算拍寫真都花好多時間化妝、揀衫，仲成日同現場嘅Stylist交流扮靚心得，行內有唔少Stylist都衰喺佢手上，畀佢電得兩電，就搭上咗！
上床快過打針
Veronica話做嗰行就厭嗰行，佢平日已經成日對住啲男優，冇理由搵男朋友都搵番同行，但行外人又好似唔多投契，所以佢覺得溝Stylist對佢嚟講就最啱數，一來大家有共同話題，二來又有共同嗜好，同樣都咁貪靚。不過佢話有好多男Stylist都係攣嘅，佢都撞過唔少板先知道當中竅門，依家佢已經對溝Stylist手到拿來，溝佢哋上床仲快過打針，不過佢知道呢啲關係易來易去，所以大家都唔會太認真。