乜女最易食？

即食文化下，市場上有唔少爸打同我一樣對鎅女拍拖已無甚興趣，又或者係啱就喺埋一齊，而最重要都係食咗先算！因此每次有人問我乜女最易溝，我真係唔識答，若然問我乜女最易食？我會如實答你：有仔嘅女最易食，因為呢啲女拍咗一段時間拖通常都好悶，好想尋刺激！

假如想學細佬咁閒來無事就搵不同嘅囡囡執番劑，事前就要做吓功課，最基本係出席朋友嘅社交活動，落吧、唱K唔少得，去遊船河BBQ呢啲「懶」健康嘅活動都唔拘。我好明白，對於非「食家」嚟講，每逢聽到活動中嘅囡囡都有仔，班麻甩佬/仔會自動縮沙，其實咁做超嘥料，但對於真正食家嚟講反而仲開心，事關搞女成功率比冇仔嘅高出多倍。

細佬之所以叫你出席活動，並唔係純粹去玩、認識朋友咁無聊，當你發現在場有「獵物」現身，首先要做嘅係「起底」！懶理你旁敲側擊定身邊朋友爆料，總之誓要起清囡囡同男友嘅拍拖關係。通常現今港男，10個有9個都係窮鬼，冇情趣、冇生活，拍拖只係例行公事，一見面只掛住「啪啪啪」上床搞嘢，係女人都反感啦！尤其一啲拍咗超過3年拖仲未談婚論嫁嘅情侶，件女畀你抄牌後，千祈咪當佢女神咁拜，最好係以朋友身份約佢High Tea，酒店下午茶其實百幾蚊位有交易，但格調贏晒。若然OK嘅下次就可以約落吧Happy Hour，到第三次先好約食晚飯，連續3次都肯出嚟嘅，開波機會已高達9成，剩低嘅就睇你臨場發揮喇！