觀禮識女仔
識我性甸奴嘅男女都知我道德標準低，事關我只會按良心做人，對於一啲唔合理兼冇根據嘅道德規條，細佬絕對無視！亦因為咁，只要有女鎅嘅地方都有我出現，唔會畀啲過分迂腐嘅思想，限制住我鎅女嘅慾望。
早前我在此公開馬場鎅女方法，畀人用電郵喪炸話我乘人之危、搞人老婆等等。我想問吓各位，馬場同一般餐廳、甚或公園等公眾地方有何分別？如果閣下同伴侶嘅感情夠堅穩，就唔會畀細佬三言兩語就搞到手啦！所以今期繼續大爆鎅女性地。
有人問我除咗賽馬日入場鎅女，仲有乜筍盤？無知毒男多數會提議返教會，以為教友人多又熱心，總有一件啱你食，但我唔會玷污教會呢啲神聖地方，亦唔認同以追女仔為目的返教會。反而我會寧願出席一啲素未謀面男女嘅婚禮，喺婚禮場地發功識女！唔信可以上網搜尋吓，近年多咗好多證婚場地，每日都有唔少新人結婚。去呢啲證婚場地觀禮嘅好處，正正係不分高低、不問你我，係人都入得。
上星期六，細佬下午食飽飯路過一個著名證婚場地，若無其事走入去觀禮，坐喺禮堂內聽台上主禮人介紹新人時，就係我嘅搵女時間，一個招牌笑容，然後話：「你好，好開心今日喺度見到你，我叫甸奴，你呢？係新郎定新娘朋友……？」不廢吹灰之力就「抄到牌」，夠勁冇？
性甸奴
80後一名，天生好性，以食盡天下女人為人生唯一目標，口講重質，實情重量！誓要一日一女直至油盡燈枯。雖然先天能力不足，但靠後天壯陽餐單及經驗互補成為啅女達人！